د مصر او اردن مشران د یکشنبې په ورځ بغداد ته لاړل چې د دغه هېواد له چارواکو سره خبرې وکړي.
دا په تېرو درې لسیزو کې عراق ته د مصر د یوه ولسمشر لومړنی سفر دی.
د عراق ولسمشر برهم صالح پرون سهار د بغداد په هوايي ډګر کې خپل مصري ساري عبدالفتاح السیسي ته هرکلی ووایه.
د مصر او عراق اړیکې په ۹۰مه لسیزه کې پر کوېټ د صدام حسین د رژیم له یرغله وروسته کړکېچنې شوې دي.
د اردن پاچا دوهم ملک عبدالله هم پرون بغداد ته لاړ او د عراق له ولسمشر او صدراعظم سرهیې ولیدل.
د اسوشیټډ پرس خبري اژانس د راپور له مخې، عراق ته د مصر او اردن د مشرانو د سفر هدف په سیمه کې د ایران د نفوذ مخنیوی دی.
